Dengan nama Ar-Rahman yang Maha Pemurah.. Dan Ar-Rahim yang Maha Mengasihani.. Dampingilah hati-hati kami dan tuntuni kami menjadi hambaMu yang Kau kasihi.. Ameen~
Penak kakloh jugok wes. Hari ni Moksoh gi doh. Aku memey harap dio gi awaa.. Buke sebab beci ko, maroh ko tapi sebak aku siye ko dio. Mace sekso jah dio tehe sakik tuh. Bangun, pah tido. Bangun, pah tido.. Sekok sebok dale dado dio kali gak. Kaki dio pon sembak jah. Aku do'o ko dio, mugo-mugo dio tok sekso. Bia Allah cepakke dan mudohke urusey dio. Gitula lebih kure. Pah ari ni dale puko lape setengoh pagi, dio gi doh ngadak Ilahi. Innalillah.. Ngucak aku meta. Tok seko. Deyla jugok aku baco Yasin petey marin lepah tido. Ari ni aku sero lepah sebak buleh mandi mayak dio. Alhamdulillah.. Sero takdok sekak dohla sebak jare balik dumoh. Tigo bule lepah aku dey jengok sekali dale pita. Ni skali pulok dale ghumoh dio. Carolah mu tok pehe aku nulih gapo nih. Penak ugok mandi mayak dih? Aku dop mandi agi ni. Tapi wak mandi kokre dulu. Wuwu. Sero baung kapo baruh. Baju aku bau kemeye sapa. Ok lah, do'o la ko nenek sedaro aku tuh semoga dicucuri rahmat sokmo.. Berpanjange selalu.. Ameen~